Vitali Borisov: “Komandadan razı qaldım”

DÇ-2024-ün elit-raund mərhələsi çərçivəsində bu gün keçirilən Azərbaycan – Rumıniya oyunundan sonra təşkil olunan mətbuat konfransında millimizin baş məşqçisi Vitali Borisov fikirlərini bölüşüb.

Komanda.az xəbər verir ki, o, 5:5 hesabıyla bitən qarşılaşmanı belə şərh edib:

“Uşaqlar çox yaxşı oynadılar. Matç bizim nəzarətimiz altında keçdi. Rumıniya yaxşı müdafiə olunan komandadır. Oyundan əvvəl bunu uşaqlara demişdik. Bütün oyunu öndə idik. Sadəcə, təcrübəmiz çatmadı. Rumıniya say üstünlüyü ilə daha yaxşı oynayır. Komandada 80 faiz yeni oyunçularımız var. Oyunçulardan çox razı qaldım”.