ÇL: “Çətin sınaq qarşısında qalacağıq” – İnzaqi

“İnter”in baş məşqçisi Simone İnzaqi Çempionlar Liqasının qrup mərhələsinin 6-cı turunda “Real Sosyedad”la keçiriləcək oyun haqda danışıb.

Komanda.az klubun rəsmi saytına istinadən xəbər verir ki, o, çətin matç olacağını söyləyib:

“Nə cür oyun gözləyirəm? Son bir neçə ildə həm evdə, həm də səfərdə yaxşı oynayan keyfiyyətli komandaya qarşı çox çətin matç olacağını bilirik. Nəticə əldə etmək üçün yüksək səviyyədə çıxış etməliyik.

Biz əla başlanğıc etdik, lakin yolumuz çox uzun və tələlərlə dolu olacaq. Biz bilirik ki, futbolda hər şey tez olur. Bizim kimi Çempionlar Liqasında çox yaxşı çıxış edən komandaya qarşı çətin sınaq qarşısında qalacağıq”.

Beş turdan sonra “İnter” D qrupunda 11 xalla ikinci yerdədir.