“Neftçi”nin qapıçısı yenidən əməliyyat olunacaq

“Neftçi”nin qapıçısı Emil Balayev yenidən əməliyyat olunacaq.

Komanda.az klubun mətbuat xidmətinə istinadən xəbər verir ki, 29 yaşlı qolkiperin qırılmış axil vətərinə görə cərrahi müdaxiləyə ehtiyacı var.

Bir müddətdir zədəli olan futbolçulardan Filip Ozobiç komanda ilə məşqlərə start verib, digər qapıçı İvan Brkiç isə fərdi şəkildə hazırlığı davam etdirir.

“Neftçi” Premyer Liqanın 15-ci turunda “Zirə”ni qəbul edəcək. Dekabrın 3-də reallaşacaq görüş saat 17:00-da start götürəcək. Emil Balayev yayda Serbiyanın “Srvena Zvezda” komandasına qarşı “Matc TV” turnirindəki görüşdə zədələndiyi üçün axil vətərinin total cırılması diaqnozu ilə əməliyyat olunmuşdu.