ÇL: “Bizə böyük tapşırıqlar verilib” – Xavi

“Barselona”nın baş məşqçisi Xavi Çempionlar Liqasının qrup mərhələsinin 1-ci turunun “Antverpen”lə oyunundan gözləntilərini bölüşüb.

Komanda.az UEFA-nın rəsmi saytına istinadən xəbər verir ki, baş məşqçi komandasının inkişaf etdiyini söyləyib:

“Keçən mövsüm Avropada yaxşı oyun göstərdik, lakin nəticələr arzu olunan çox şeyi əldən buraxdı. İndi biz güclənmişik və bu kubok uğrunda mübarizə apara biləcəyimizi göstərməliyik. Ötən mövsüm biz uzun illərdən sonra La Liqada ilk dəfə çempion olduq. Bu, bizim inkişaf etdiyimizin əyani sübutudur. İndi bunu Avropada nümayiş etdirməyin vaxtıdır.

Təzyiq? Mən həmişə bunu yaşayıram. Hər oyunda özümü sübut etməliyəm, çünki bura “Barselona”dır. Hamımız böyük təzyiq altındayıq. Bizə böyük tapşırıqlar verilib, amma bu, mənim xoşuma gəlir”.