“Neftçi”nin ilk transferi

“Neftçi” mövsümlərarası dönəmdə ilk transferini rəsmiləşdirib.

Komanda.az xəbər verir ki, “ağ-qaralar”ın yetirməsi olan Azərbaycan milli komandasının üzvü Emil Balayev ilə 2 illik müqavilə bağlanıb. 29 yaşlı qapıçı komandanın heyətində 12 nömrəli formanı geyinəcək.

Sonuncu klubu “Səbail” (2017-2018, 2022-2023) olan Emil Balayev “Neftçi”dən (2011-2014) başqa, “Sumqayıt” (2011-2012), “Araz Naxçıvan” (2013-2014), “Ayntraxt” (Frankfurt, Almaniya; 2015-2016), “Qarabağ” (2016-2017, 2020-2022), “Tobol” (Qazaxıstan; 2019), “Zirə” (2020), “Turan” (Qazaxıstan; 2022) klublarında da çıxış edib. O, Azərbaycan çempionatının (2013, 2020) və kubokunun (2013) qalibi olub. Qapıçı milli komandanın heyətində 15 oyunda meydana çıxıb.