ÇL: “Real” penaltilər seriyasına hazırlaşıb?

“Real”ın baş məşqçisi Karlo Ançelotti UEFA Çempionlar Liqasının (ÇL) yarımfinalının “Mançester Siti” ilə cavab görüşü üçün komandasının penaltilər seriyasını məşq etmədiyini deyib.

Komanda.az xəbər verir ki, italiyalı mütəxəssis oyundan əvvəl keçirilən mətbuat konfransında penaltilər seriyası barədə düşünmədiklərini bildirib:

“Mançester Siti” ilə oyunda penaltilər seriyasına hazırlaşırıqmı? Bu barədə heç düşünməmişik. Biz penaltiləri məşq etmirik. Çünki penaltilər seriyası atmosferini yaratmaq sadəcə mümkün deyil”.

MS – “Real” matçı mayın 17-də İngiltərədə keçiriləcək. İlk görüş “Santyaqo Bernabeu”da baş tutub və 1:1 hesabı ilə yekunlaşıb.