“Həmişə qələbə qazanmaq istəyirik” – Lempard

“Çelsi”nin baş məşqçisi Frenk Lempard İngiltərə Premyer Liqasının 34-cü turunun “Arsenal”la oyunundan sonra (1:3) açıqlama verib.

Komanda.az BBC-yə istinadən xəbər verir ki, o, hər zaman qələbə qazanmaq istədiklərini və səhvlərin üzərində işləyəcəklərini deyib:

“Birinci hissədə oyunumuz kifayət qədər yaxşı alınmadı. Bu, yekun nəticədə özünü göstərdi. Fasilədən sonra daha yaxşı çıxış etdik. İkinci hissədə daha çox hücum edən tərəf biz idik.

İlk hissədə bizə qarşı oynamaq rəqib üçün çətin olmadı. Həmişə qələbə qazanmaq istəyirik. Bu, bizim işimizdir. Səhvlərin üzərində işləyəcəyik”.

“Çelsi” hazırda İngiltərə çempionatının turnir cədvəlində 39 xalla 12-ci, “topçular” isə 78 xalla 1-ci pillədə qərarlaşıb.