Onana bazarlığı

“İnter” “Çelsi”nin qapıçı Andre Onananın transferi üçün təklif etdiyi Kepa Arrizabalaqa ilə maraqlanmır.

Komanda.az “SportMediaset”-ə istinadən xəbər verir ki, Milanda klubların nümayəndələri arasında görüş keçirilib. Görüşdə tərəflər növbəti danışıqlardan əvvəl öz mövqelərini açıqlayıblar.

Daha əvvəl məlum olmuşdu ki, “Çelsi” “İnter”ə Onananın keçidi üçün öz qapıçısı Arrizabalaqanı və pul təklif edə bilər.

“İnter” Onana üçün 40 milyon avro istədiklərini açıqlayıb, lakin klub Kepa ilə maraqlanmır.

Eyni zamanda, milanlılar müqaviləyə digər oyunçuların da daxil edilməsini istisna etməyib. Söhbət müdafiəçi Trevo Çalobah və yarımmüdafiəçi Ruben Loftus-Çikdən gedir.

Onana satılacağı təqdirdə, “İnter”in ilk qapıçı seçimi “Empoli”dən Quqlielmo Vikario olacaq.