“Futbolçularım uğur qazanmağa can atırlar”

“Çelsi”nin baş məşqçisi Frenk Lempard futbolçuları haqda danışıb.

Komanda.az “Goal”-a istinadən xəbər verir ki, ingiltərəli mütəxəssis oyunçularının özünəinam məsələsindən söz açıb:

“Oyunçuların özünəinamı azalanda bunu görmək olur. Məsələn, topa sahib çıxanda özünə inanmayan futbolçunun ilk işi onu geri verməkdir. Bəzən idman ehtirasının olmaması da müşahidə olunur.

Mən hiss edirəm ki, futbolçularım uğur qazanmağa can atırlar. Belə olduqda isə biz futbolçularla müzakirələr, görüşlər keçiririk. Yorğunluq səbəbindən məşqlər kifayət qədər aşağı tempdə baş tutur”.

Britaniyalı mütəxəssis həmyerlisi Qrem Potteri əvəzlədikdən sonra “Çelsi”də keçirdiyi hər 3 matçda məğlub olub.

“Zadəganlar” hazırda İngiltərə Premyer Liqasının turnir cədvəlində 39 xalla 11-ci pillədə yer alır.