“Mançester Yunayted”in taleyi 2 həftə ərzində həll oluna bilər

“Mançester Yunayted” rəhbərliyi klubun satılması ilə bağlı potensial alıcılarla görüşlər planlaşdırıb.

Komanda.az BBC-yə istinadən xəbər verir ki, danışıqlar iki həftə ərzində London və Mançesterdə baş tutacaq.

Öncədən bildirilmişdi ki, MY-nin sahihi olan Qleyzerlər təxminən 6 milyard funt-sterlinqə alıcı axtarır. “Mançester Yunayted”in alınması üçün 4,5 milyard avro təklif edən Qətər Şeyxi Həməd bin Casim bin Cabir Əl Tani və britaniyalı milyarder Cim Ratkliff əsas namizədlərdir.