“Qələbə qazanmaq üçün ona layiq olmalısan” – Qvardiola

“Mançester Siti”nin baş məşqçisi Pep Qvardiola İngiltərə Liqa kubokunun 1/4 final mərhələsinin “Sauthempton”la matçını (0:2) şərh edib.

Komanda.az BBC-yə istinadən xəbər verir ki, o, yetirmələrinin qələbəyə layiq olmadığını vurğulayıb:

“Daha güclü oynayan komanda qalib gəldi. “Mançester Siti” əvvəlcə yaxşı oynamadı. Bu axşam pis keçdi. Rəqib daha yaxşı idi. Bu səbəbdən onları təbrik etməliyəm. Qələbə qazanmaq üçün ona layiq olmalısan. Bu gün isə biz ona layiq deyildik”.

“Şəhərlilər” bu nəticədən sonra mübarizəni dayandırıb. Yarımfinalda “Sauthempton”un rəqibi “Nyukasl” olacaq.