Tolissodan “aqressiv oynayaq” çağırışı

“Lion”un futbolçusu Korentin Tolisso komandanın hazırkı durumu barədə danışıb.

Komanda.az “RMC Sport”-a istinadən xəbər verir ki, o, Liqa 1 təmsilçisinin aqressiv oyun sərgiləmədiyini deyib:

“Məncə, aqressiya mentalitetin növüdür. Bu, çox vacibdir. Mən “kobud oynamalıyıq” demirəm. Fərdi mübarizələrdə uduzuruq. Xırda detal olsa da, rəqib bundan istifadə edir və faydasını da görür. Bunun üzərində işləməliyik. Deyan Lovrenin kluba transferi bu istiqamətdə inkişafımıza təsir edə bilər.

Məşq zamanı bütün işlərimiz qaydasında olur, bütün oyunçular aktiv formada iştirak edirlər. Texniki səviyyə də yüksək olur. Məşqdə etdiyimiz hər bir detalı rəsmi oyunlarda tətbiq etməliyik”.

“Lion” hazırda Fransa Liqa 1-də 24 xalla 8-ci pillədə qərarlaşıb.