DÇ-2022: Qol sayında rekord

Qətərdə keçirilən futbol üzrə dünya çempionatında yeni rekord qeydə alınıb.

Komanda.az xarici KİV-ə istinadən xəbər verir ki, DÇ-2022-də qapılara 172 qol vurulub.

DÇ-1998 və DÇ-2014-də keçirilən yarışda futbolçular 171 dəfə fərqlənə biliblər.

Həmçinin, turnir tarixində ilk dəfə bombardirlər eyni klubu təmsil edib (PSJ, Fransa). Cənubi amerikalı Lionel Messi 7, fransalı Kilian Mbappe 8 dəfə fərqlənib.

DÇ-2022-nin finalında Argentina millisi Fransanı penaltilər seriyasında məğlub edərək (3:3, penaltilər – 4:2), tarixində üçüncü dəfə dünya çempionatının qalibi ola bilib.