“Tələlərlə dolu oyun oldu” – Spaletti

“Napoli”nin baş məşqçisi Luçano Spaletti İtaliya çempionatının 11-ci turu çərçivəsində səfərdə “Roma” üzərində qazanılan qələbəni (1:0) şərh edib.

Komanda.az İtaliya mətbuatına istinadən xəbər verir ki, o, komandasının yaxşı çıxış etdiyini deyib:

“Rəqibin baş məşqçisi Joze Mourinyonun sözlərinə şərh vermək istəmirəm. Tələlərlə dolu oyun oldu və komandam çox yaxşı çıxış etdi. Qapımız qarşısında bəzi anlarda səhvlərə yol verdik. Sonra isə şans üzümüzə güldü.

Osimhenin sürətlənməsi lazımdır. Bəzən komanda yoldaşlarını unudur, amma yenə də, yaxşı, fiziki cəhətdən güclüdür. O, indiyə qədər gördüyüm ən yaxşı oyunçulardan biridir. O, həm də sürətlidir, yaxşı konsentrasiyaya və fiziki keyfiyyətə malikdir. Bu gün bizə daha çox fiziki cəhətdən güclü futbolçular lazım idi”.