“İnter” Dibala ilə razılığa gələ bilmir

“İnter” “Yuventus”un keçmiş hücumçusu Paulo Dibala ilə danışıqlar aparan yeganə klubdur.

Komanda.az “Corriere della Sera”-ya istinadən xəbər verir ki, Milan klubu 28 yaşlı argentinalı ilə müqavilə imzalamaq üçün tam razılığa gələ bilmir.

Xəbərdə qeyd olunur ki, hücumçu Romelu Lukakunun “Çelsi”dən “İnter”ə qayıtması klubu Dibala ilə bağlı fikrindən daşındıra bilər.

Dibala ötən mövsüm 39 oyunda 15 qol vurub və 6 məhsuldar ötürmə edib. Argentinalı hücumçu bu yay azad agent kimi “Yuventus”u tərk edib.