Braziliya klubu portuqaliyalı baş məşqçini qovdu

Braziliyanın “Flamenqo” klubunun baş məşqçisi Paulo Souza istefaya göndərilib.

Komanda.az klubun rəsmi saytına istinadən xəbər verir ki, 52 yaşlı mütəxəssisin müqaviləsi vaxtından əvvəl ləğv olunub.

Baş məşqçi səlahiyyətlərini müvəqqəti olaraq U-20 komandasını çalışdıran Mario Xorxe icra edəcək. “Flamenqo”da bu posta Dorival Juniorun gətiriləcəyi gözlənilir.

Paulo Souza komandaya 2021-ci ilin dekabrında baş məşqçi təyin olunmuşdu. Portuqaliyalı mütəxəssisin sözləşməsi 2023-cü ildə başa çatmalı idi.

“Flamenqo” cari mövsümdə A Seriyasında 10 turdan sonra 12 xalla 14-cü pillədə qərarlaşıb.