“Kamp Nou”da oynamaq çətin olacaq, amma…” – “Liverpul”un futbolçusu

İngiltərə Premyer Liqasının son turunda “Haddersfild”i 5:0 hesabı ilə məğlub edən “Liverpul”un yarımmüdafiəçisi Cordan Henderson Çempionlar Liqasının yarımfinal mərhələsində qarşılaşacaqları “Barselona” ilə bağlı açıqlama verib.

Komanda.az İngiltərə mətbuatına istinadən xəbər verir ki, ingiltərəli futbolçu, katalonlarla oyunda komandasına inandığını deyib:

“Artıq “Barselona” səfərini gözləyirik. “Kamp Nou”da oynamaq bizim üçün çətin olacaq, amma özümüzə inanırıq. Edə biləcəyimiz hər şeyi meydanda göstərəcəyimizə ümid edirik”.

“Barselona” ilə “Liverpul” arasındakı ilk oyun mayın 1-də, “Kamp Nou”da keçiriləcək.