“Biz “Real” üçün dəhliz yarada bilərdik” – Dani Alveş

“Barselona”nın müdafiəçisi Dani Alveş Kataloniya komandasının futbolçularının mümkün olsaydı, “Real” üçün çempionluq dəhlizi təşkil etmələrində problem olmadığını deyib.

Komanda.az “Marca”-ya istinadən xəbər verir ki, braziliyalı futbolçu, ”Real”da heyranlıq duyduğu futbolçular olduğunu da bildirib:

“Mən heç vaxt bununla üzləşmək istəməzdim, amma lazım olsa, bir dəhliz təşkil edərdik. Qazanmağı və itirməyi düzgün bilməlisiz. “Real”da hörmət etdiyim çoxlu dostlarım və heyran olduğum bir çox insan var. Mən həqiqətən də ümid edirəm ki, dəhlizin təşkili məsələsi qarşımızda durmayacaq. Amma biz “Real” üçün dəhliz yarada bilərdik. Niyə də yox?”

Karlo Ançelottinin komandası mayın 8-də səfərdə “Atletiko” ilə qarşılaşacaq. “Real” La Liqada vaxtından əvvəl çempion olub.