Son şans – “Real”dan Mbappeyə xəbərdarlıq

PSJ-nin hücumçusu Kilian Mbappe ilə yeni müqavilə imzalamaq cəhdləri “Real” rəhbərliyini narahat edir.

Komanda.az “The Times”a istinadən xəbər verir ki, İspaniya klubu 23 yaşlı futbolçunun keçidiylə bağlı şifahi razılığın olduğuna əmindir. Lakin onun hazırki klubuyla anlaşmanı uzatmaq variantı da mümkündür.

Bu üzdən, “kral klubu”nun rəhbərliyi Mbappeyə xəbərdarlıq edib ki, bu yay komandaya qoşulmasa, onun keçidi üçün ayrılan vəsait başqa transferlərə sərf olunacaq və bir daha ona təklif göndərilməyəcək.

Mbappe cari mövsümdə PSJ-nin heyətində bütün turnirlərdə 32 matçda iştirak edib, 22 qol və 16 məhsuldar ötürməylə yadda qalıb.