UEFA “Qarabağ”ın rəqibini cərimələdi

“Qarabağ”ın Konfrans Liqasındakı rəqibi “Marsel” (Fransa) klubu UEFA tərəfindən cərimələnib.

Komanda.az xəbər verir ki, bu barədə UEFA-nın mətbuat xidməti məlumat yayıb.

“Marsel” Avropa Liqasında “Lokomotiv”ə (Moskva) qarşı keçirilən matçda azarkeşlərinin davranışlarına görə cəzalandırılıb. Klub fanatların priotexniki vasitələrdən istifadə etməsi səbəbindən 17500 avro məbləğində cərimə edilib.

“Qarabağ” “Marsel”lə ilk oyunu fevralın 17-də Fransada keçirəcək. Komandalar arasındakı cavab matçı fevralın 24-də Bakıda olacaq.