Premyer Liqa üçün 2,7 milyardlıq müqavilə

Dünyanın ən baxımlı çempionatlarından biri olan İngiltərə Premyer Liqası ilə ABŞ-ın NBC telekanalı arasında rekord məbləğə yeni müqavilə imzalanıb.

Komanda.az xəbər verir ki, NBC telekanalı 2013-cü ildən Amerikada Premyer Liqanın yayım hüququna sahibdir.

Telekanal İngiltərə çempionatı ilə müqaviləsini 2028-ci ilə qədər uzadıb. 6 illik yeni müqavilə NBC-yə 2 milyard 700 milyon ABŞ dollarına başa gəlib.

NBC bundan sonra da il ərzində çempionatın 380 matçını yayımlamaq şansına malik olacaq. Bundan əlavə, telekanal oyunları ispan dilində də yayımlaya biləcək.