“Çelsi”nin zəif tərəfi yoxdur” – Simeone

Çempionlar Liqasının 1/8 final mərhələsinin cavab oyunları çərçivəsində “Çelsi” (İngiltərə) ilə qarşılaşacaq “Atletiko”nun (İspaniya) baş məşqçisi Dieqo Simeone açıqlama verib.

Komanda.az xəbər verir ki, UEFA-nın mətbuat xidmətinə danışan argentinalı mütəxəssis, London komandasına qarşı keçirəcəkləri oyunla bağlı fikirlərini bildirib:

“Çelsi”nin zəif tərəfi yoxdur. Tomas Tuxelin gəlişindən sonra məğlub olmayıblar. Və nə vaxt uduzacaqları da məlum deyil. Güclü komandayla qarşılaşacağıq. Əvvəl də güclü idilər və Tuxelin gəlişindən sonra daha da artırdılar. “Çelsi” öz meydanında keyfiyyətli futbol oynayır.

Bizim bir hədəfimiz var – qazanmaq. Oyuna diqtə edib, qalib gəlmək istəyirik. Əsas olan, oyunumuzu meydanda göstərməyimizdir. Rəqibin hansı taktika ilə oynayacağını bilmirik. Lakin nə istədiyimizi bilirəm. Qələbə qazanmalıyıq”.

Bu gün keçiriləcək “Çelsi” – “Atletiko” matçı saat 00:00-da start götürəcək. Komandalar arasında keçirilən ilk oyunda “Çelsi” minimal hesablı qələbə qazanıb – 1:0.