“Qarabağ”ın legioneri 20-yə çatdı

Filip Ozobiç “Qarabağ”ın heyətində 20-ci qolunu vurub.

Komanda.az PFL-ə istinadən xəbər verir ki, yubiley Azərbaycan Premyer Liqasının 12-ci turuna təsadüf edib. “Qəbələ” ilə görüşdə (1:1) hesabı açan xorvatiyalı Ağdam təmsilçisinin heyətində 70-ci matçında 20-ci dəfə rəqib qapısına yol tapıb.

O, Premyer Liqada 17 (42 oyun), avrokuboklarda 3 (24 oyun) qol vursa da, ölkə kubokundakı 4 matçda fərqlənməyib.

Ozobiç 2018-ci ildən Ağdam təmsilçisində çıxış edir.