“Atletiko” “Real”dan və “Barselona”dan daha yaxşıdır” – Morata

İcarə əsasında “Yuventus”da çıxış edən Alvaro Morata açıqlama verib.

Komanda.az İspaniya mətbuatına istinadən xəbər verir ki, müqavilə ilə “Atletiko”ya məxsus olan hücumçu, Madrid klubu ilə bağlı danışıb:

“Hər zaman “Atletiko”ya minnətdar olacam. Baş məşqçi Dieqo Simeone ilə yaxşı münasibətim var və onun üçün ən yaxşısını arzulayıram. Yenidən “Atletiko” forması geyinə biləcəmmi, bilmirəm. Ümid edirəm ki, La Liqanın qalibi “Atletiko” olar. Bunun üçün onların hər oyunda döyüşmələri lazımdır. “Atletiko” “Real”dan və “Barselona”dan daha yaxşıdır”.

Sentyabrda “qoca sinyora”ya qoşulan 28 yaşlı futbolçunun icarə müqaviləsi cari mövsümün sonunda başa çatır.