“Barselona” ilə oyunda qol vursam, sevinməyəcəm” – Suares

“Atletiko”nun futbolçusu Luis Suares açıqlama verib.

Komanda.az xəbər verir ki, AS nəşrinə danışan uruqvaylı hücumçu, Madrid klubuna keçidindən danışıb:

“Hər şey çox yaxşı gedir. Uşaqların məktəbə getməsi, ev tapmağımız baxımından çətinliklər ola bilərdi, ancaq klub mənə çox kömək etdi. Ümid edirəm ki, mən də gözləntiləri doğruldaram.

“Atletiko” illərdir zirvədə olmaq və hədəflərinə çatmaq üçün mübarizə aparan klubdur. Komanda bir neçə il əvvəl La Liqa çempionluğunu qazandı, indi də “Barselona” və “Real”la mübarizə aparır.

“Barselona” ilə oyunda qol vursam, sevinməyəcəm. Bu, keçmiş komanda yoldaşlarıma və mənə çox şey verən kluba hörmətimlə bağlıdır. İstənilən halda, keçmiş komanda yoldaşlarıma qarşı oynamaq bir fürsətdir. Hazırda “Atletiko”dayam və bu komandanın uğur qazanması üçün əlimdən gələni edəcəm”.

Suares sentyabrın 25-də “Barselona”dan “Atletiko”ya keçib.