Fransa millisinin heyətində dəyişiklik – “Lion”luya dəvət

UEFA Millətlər Liqasında Portuqaliya və İsveçrə ilə qarşılaşacaq Fransa yığmasının heyətində dəyişiklik baş verib.

Komanda.az xəbər verir ki, millinin yarımmüdafiəçisi Nabil Fekir zədələnib. Bu barədə “Lequipe” nəşri məlumat yayıb. “Betis”in düşərgəsində zədələnən Fekirin əvəzinə heyətə “Lion”dan Ussem Auar dəvət edilib.

Fransa millisi yoxlama oyunu çərçivəsində noyabrın 11-də Finlandiya, Millətlər Liqası çərçivəsində isə 14-də Portuqaliya, 17-də İsveçrə ilə qarşılaşacaq.