“Rəqib bizə problem yaratdı” – Lempard

UEFA Çempionlar Liqasının qrup mərhələsinin ilk turu çərçivəsində “Sevilya” ilə 0:0 hesablı heç-heçə edən “Çelsi”nin baş məşqçisi Frenk Lempard açıqlama verib.

Komanda.az İngiltərə mətbuatına istinadən xəbər verir ki, ingilis mütəxəssis, “zadəganlar”ın oyunundan razı qaldığını bildirib:

“Müsbət nəticə əldə etdiyimizi düşünürəm. Yüksək səviyyəli rəqibə qarşı keçirdiyimiz ilk oyunun əhəmiyyətini başa düşürdük. Rəqib bizə problem yaratdı, onlar fərqli üslubda oyun göstərirlər. Məşq üçün çox vaxtımız olmadı. “Sevilya” kimi Avropa futbolunun ən yaxşı komandalarından birinə qarşı oyunumuzu yüksək qiymətləndirirəm.

Tyaqo Silva yaxşı oyun göstərir. Onunla yaxın münasibət qururam, mövsüm ərzində ondan faydalanmağa çalışacam. İdeal formasında olması üçün Tyaqonun mümkün qədər çox oyun keçirməsini istəyirik”.