56 yaşlı futbolçu ilə yeni müqavilə

Dünyanın ən yaşlı futbolçusu Kadzuesi Miura daha bir mövsüm futbol oynamağa davam edəcək.

Komanda.az xəbər verir ki, Portuqaliyanın 2-ci liqasında mübarizə aparan “Oliveyrense”də çıxış edən 56 yaşlı yarımmüdafiəçi ilə müqavilənin müddəti 2024-cü ilin yayına qədər uzadılıb.

Bu barədə klubun mətbuat xidməti məlumat yayıb.

Xatırladaq ki, yaponiyalı yarımmüdafiəçi bu ilin fevral ayında “Oliveyrense”yə keçib. O, ilk peşəkar oyununa 1982-ci ildə çıxıb.