“Əks-hücumda oynamağın bəhrəsini gördük” – Yaşar Vahabzadə

“Kəpəz”in baş məşqçisi Yaşar Vahabzadə Azərbaycan kubokunun 1/8 final mərhələsi çərçivəsində “Sabah”a qarşı keçirdikləri oyunu şərh edib.

Komanda.az xəbər verir ki, Gəncə klubunun çalışdırıcısı 2:1 hesabıyla qələbə qazandıqları matçdan sonra baş tutan mətbuat konfransında bunları söyləyib:

• Oyunun əvvəlində uşaqlarda həyəcan var idi. İkinci hissədə meydanda fərqli komanda gördük. Oyunumuzu əks-hücumlar üzərində qurduq və bunun bəhrəsini gördük.
• Oyundan əvvəl desəydilər ki, turu keçəcəksiz, inanardız?
• Kubok oyunlarında sürprizlər olur. Çalışırıq ki, hər oyun yaxşı nəticə qazanaq. Uşaqlar bu gün yaxşı oyun sərgilədi və qələbə qazandıq.
• Növbəti oyunda rəqibiniz “Keşlə” olacaq. Bu oyun haqda fikirləriniz nədir?
• Rəqib yenə Premyer Liqa klubudur. Yaxşı hazırlaşıb, yaxşı oyun göstərmək istəyirik.

Şahin Cəfərov