“Heç bir şey etməyəcəyimizi və eyni heyətlə qalacağımızı gözləmirəm” – Mourinyo

İngiltərənin “Tottenhem” klubunun baş məşqçisi Joze Mourinyo açıqlama verib.

Komanda.az İngiltərə mətbuatına istinadən xəbər verir ki, portuqaliyalı mütəxəssis, yay transfer pəncərəsi üçün gözləntilərindən danışıb:

“Hər klubun transferlərlə bağlı öz fəlsəfəsi var. Düşünürəm ki, hər zaman olduğu kimi, indi də balanslı davranacağıq. Heç bir şey etməyəcəyimizi və eyni heyətlə qalacağımızı gözləmirəm. Mütləq nələrsə edilməlidir. Transferlərə çox pul xərcləyəcəyimizi də gözləmirəm. İki-üç mövqeni gücləndirməliyik. Dəyişikliklərə və mübarizəyə hazıram, amma indi sadəcə mövsümün qalan oyunlarına köklənmişəm”.