Qurbanov üçün 71 dəqiqə və 1 xal

Futbol üzrə Gürcüstan çempionatında 3-cü turun oyunları keçirilib.

Komanda.az xəbər verir ki, azərbaycanlı futbolçu Nicat Qurbanovun formasını geyindiyi “Samtrediya” da növbəti matçına çıxıb.

Sözügedən klub səfərdə “Dila” ilə qarşılaşıb. Futbolçumuzun komandası bu oyundan heç-heçə ilə ayrılıb – 1:1.

Nicat da bu görüşün iştirakçısı olub. O, start heyətdə meydana çıxıb və 71-ci dəqiqədə əvəzlənib.

3 turdan sonra hesabında 4 xal olan “Samtrediya” 10 komanda arasında 4-cü pillədə qərarlaşıb.