DÇ-2026: “Öz üslubumuza sadiq qalmalıyıq”

İspaniya millisinin yarımmüdafiəçisi Mikel Merino 2026-cı il dünya çempionatının yarımfinalında Fransa yığması ilə keçiriləcək oyun barədə danışıb.

Komanda.az “Marca”-ya istinadən xəbər verir ki, o, meydanda dominantlıq etməli olduqlarına inanır:

“Yüksək performans sərgiləməliyik. Öz üslubumuza sadiq qalmalı və meydanda dominantlıq etməliyik. Komandamızdakı istənilən oyunçu qol vurmaq üçün fürsətlər yarada bilər. Bu kimi matçlarda səhvin qiyməti çox yüksəkdir, ona görə də, maksimum konsentrasiyanı qorumalıyıq”.

Fransa – İspaniya yarımfinal görüşü iyulun 14-də keçiriləcək.