UEFA prezidenti Dağlıq Qarabağ münaqişəsindən danışdı

UEFA prezidenti Aleksander Çeferin Dağlıq Qarabağ münaqişəsi ilə bağlı açıqlama verib.

Komanda.az xəbər verir ki, Danimarkanın “Sportschau” nəşrinə danışan sloveniyalı funksioner, məsələnin sülh yolu ilə həll olunacağına ümid etdiyini deyib:

“Açığı, hazırda vəziyyəti izləyirik. Bir neçə həftə əvvəl başlayıb və bu, bizim üçün yenilikdir. Bu məsələ ilə bağlı çox fikrimiz yoxdur. Biz siyasi deyil, idman təşkilatıyıq. Buna görə də, siyası məsələlərə qarışmaq istəmirik. Ancaq olanlar məyusedicidir və ümid edirəm ki, qısa zamanda məsələ sülh yolu ilə həllini tapacaq”.