“Sumqayıt”da yeni futbolçu – Rəsmi

“Sumqayıt” heyətini yeni futbolçu ilə gücləndirib.

Komanda.az xəbər verir ki, “kimyaçılar” son klubu İran “Persepolis”i olan Mehdi Şərifini transfer edib. Bu barədə klubun rəsmi “facebook” səhifəsi məlumat yayıb. 26 yaşlı yarımmüdafiəçi ilə imzalanan müqavilənin detalları açıqlanmayıb. Mehdi, “Sumqayıt”da 70 nömrəli formanı geyinəcək.

2018-ci ilin iyulundan “Persepolis”də çıxış edən Şərifi, bir müddət əvvəl klubu ilə yollarını ayırmışdı.