“Sumqayıt”da biabırçı yubiley

Azərbaycan Premyer Liqasının 22-ci turunun “Sumqayıt” – “Qarabağ” oyunu bir neçə maraqlı məqamla əlamətdar olub.

Komanda.az xəbər verir ki, 0:6 hesabı ilə uduzan meydan sahibləri ev matçlarında yubiley – 50-ci məğlubiyyəti alıb. Premyer Liqada 2011-ci ildən çıxış edən sumqayıtlılar 122-ci qarşılaşmada 50-ci məğlubiyyətə üzülüblər. Komandanın ev oyunlarında 41 qələbəsi və 31 heç-heçəsi var.

Çempionatın autsayderi üçün bu yenilgi antirekord kimi tarixə düşüb. Bu, “Sumqayıt”ın Premyer Liqada aldığı ən böyükhesablı ev məğlubiyyətidir. Yeri gəlmişkən, “Qarabağ” çempionatdakı ən böyükhesablı qələbə rekordunu təkrarlayıb.

Cari mövsümdə – ötən il dekabrın 9-da “Zirə”nin qapısından 6 cavabsız qol keçirən ağdamlılar, bu dəfə “Sumqayıt”ın meydanında eyni hesaba seviniblər. Bu, həm də cari mövsümün ən böyükhesablı nəticəsinin təkrarıdır. 6 top fərqi ilə başa çatan hər iki görüşdə “Qarabağ” rəqib meydanında qalib gəlib.

Bizi Telegramda izləyin

Bizi izləyin Bizi Facebook-da izləyin

Əlaqəli yazılar

Back to top button