Fransa klubu Martines üçün hərəkətə keçib

PSJ rəhbərliyi hücumçu Kilian Mbappe ilə ayrıldıqdan sonra hücum xəttini gücləndirmək üçün yeni futbolçu axtarır.

Komanda.az xarici KİV-ə istinadən xəbər verir ki, Fransa klubu “İnter”in mərkəz hücumçusu Lautaro Martineslə maraqlanır. Paris klubu argentinalı futbolçunun mümkün transferi ilə bağlı ilk əlaqələri qurub.

Martines ötən mövsüm İtaliya çempionatının bombardiri olub. O, 33 matçda iştirak edib, 24 qol vurub və 6 məhsuldar ötürmə edib.