PSJ-də itki: 4-5 həftə olmayacaq

PSJ klubu itkiylə üzləşib.

Komanda.az xəbər verir ki, Paris təmsilçisinin müdafiəçisi Kolin Daqba sıradan çıxıb. Bu barədə klubun rəsmi saytı məlumat yayıb.

Fransa kubokunun “Pau” ilə matçında (2:0) zədələnən Daqba, 4-5 həftə yaşıl meydanlardan uzaq qalacaq.

2018-ci ilin yayından PSJ-nin əsas komandasında çıxış edən 21 yaşlı müdafiəçi bu mövsüm 15 matça çıxıb.