Ozan Canın komandası səfərdən 1 xalla döndü

Futbol üzrə Türkiyə 1-ci liqasında 20-ci turun oyunları keçirilib.

Komanda.az xəbər verir ki, gənclərdən ibarət Azərbaycan yığmasının yarımmüdafiəçisi Ozan Can Kökçünün formasını geyindiyi “Girəsunspor” da növbəti matçına çıxıb.

Sözügedən kollektiv səfərdə “Elazığspor”la qarşılaşıb. Futbolçumuzun komandası bu oyundan heç-heçə ilə ayrılıb – 0:0.

Ozan bu görüşün iştirakçısı olmayıb. Onun adı qarşılaşmanın iştirak ərizəsinə də daxil edilməyib.

“Girəsunspor” 20 turdan sonra 21 xalla 18 kollektiv arasında 13-cü pillədə qərarlaşıb.