“Enrike dünyanın ən yaxşı məşqçisidir” – PSJ-nin prezidenti

PSJ-nin prezidenti Nasser Əl-Xələfi komandanın UEFA Çempionlar Liqasının finalına yüksəlməsindən sonra baş məşqçi Luis Enrikeni tərifləyib. Parislilər yarımfinalda “Bayern”i ümumi 6:5 hesabıyla məğlub edib.

Komanda.az xarici KİV-ə istinadən xəbər verir ki, klub rəhbəri bunu deyib:

“Luis Enrike təkcə PSJ-də deyil, həm də bütün oyunda inqilab etdi. O, dünyanın ən yaxşı məşqçisidir”.

Fransa klubu ardıcıl ikinci mövsüm Çempionlar Liqasını qazanmaq üçün irəliləyir. Komanda bu dəfə finalda “Arsenal”la qarşılaşacaq.