“Napoli”nin gürcü futbolçuya yeni müqavilə təklifinin detalları

“Napoli”nin gürcüstanlı futbolçusu Xviça Kvaratsxeliya klubla müqaviləsini uzatmağa yaxındır.

Komanda.az İtaliya mətbuatına istinadən xəbər verir ki, Kvaratsxeliyanın müqaviləsi 2028-ci ilə qədər uzadılacaq. Onun maaşı mövsümdə 3 milyon avro olacaq.

Gürcü futbolçu ötən ilin yayında “Dinamo”dan (Batumi) 10 milyon avroya alınıb və “Napoli” ilə 2027-ci ilin iyununa qədər nəzərdə tutulan müqavilə imzalayıb.

22 yaşlı futbolçu bu mövsüm neapolluların heyətində 40 oyuna çıxıb, 14 qol vurub və 17 məhsuldar ötürmə edib.