Camalı təəssüfləndirən gediş

“Bayern”in yarımmüdafiəçisi Camal Musiala klubun idman direktoru Hasan Salihamiciçin gedişi ilə bağlı fikirlərini bölüşüb.

Komanda.az “Sport1”-ə istinadən xəbər verir ki, almaniyalı futbolçu, Salihamiciçə hər şeyə görə təşəkkür edib:

“Məni “Bayern”ə Salihamiciç gətirdi. Hər şeyə görə ona minnətdaram və klubdan getdiyi üçün təəssüflənirəm”.

“Bayern” Almaniya çempionatının 34-cü turunda “Köln”ü məğlub edib (2:1) və çempionluğu rəsmiləşdirib. “Borussiya” (Dortmund) isə “Maynts”la matçda xal itirib (2:2). Onlar mövsümü ikinci pillədə bitiriblər və gümüş medallara yiyələniblər.

“Köln”lə qarşılaşmadan sonra “Bayern” klubun icraçı direktoru Oliver Kanla və idman direktoru Hasan Salihamiciçlə yollarını ayırdığını açıqlayıb.