MY “Barselona”lıya illik 10 milyon avro ödəməyə hazırdır

“Mançester Yunayted” (MY) “Barselona”nın futbolçusu Ronald Arauxo ilə maraqlanır.

Komanda.az xəbər verir ki, “qırmızı şeytanlar” ispan müdafiəçiyə illik 10 milyon avro ödəməyə hazırdır. Bu barədə “Goal” nəşri məlumat yayıb. “Barselona” Arauxonun komandanı tərk etməsinə müsbət yanaşmır.

Müdafiəçi ilə İngiltərənin “Mançester Siti” və “Çelsi” klubları da maraqlanır.

22 yaşlı müdafiəçi bu mövsüm “Barselona” ilə 25 oyuna çıxıb. Onun klubla müqaviləsi 2023-cü ilin yayına qədərdir.