“Mançester Siti” 2 müdafiəçini “qaralayıb”

“Mançester Siti” müdafiə xəttinin cinahlarını gücləndirmək üçün əsas hədəflərini müəyyənləşdirib.

Komanda.az xarici KİV-ə istinadən xəbər verir ki, “şəhərlilər” Tino Livramento (“Nyukasl”) və Rayan Ait-Nurini (“Vulverhempton”) transfer etməkdə maraqlıdır.

“Mançester Siti” yaxın günlərdə 23 yaşlı əlcəzairli futbolçu Ait-Nurinin transferi üzrə danışıqlarda irəliləyiş əldə etməlidir. Onun keçidinin qısa müddətdə rəsmiləşəcəyi gözlənilir.

İngiltərəli futbolçu Livramento ilə bağlı danışıqlar isə daha mürəkkəb görünür. “Nyukasl” 22 yaşlı futbolçunu heyətində saxlamaq niyyətindədir.