Karyerasını bitirir – 40 yaşında

Almaniyanın “Ayntraxt” (Frankfurt) klubunun müdafiəçisi Makoto Hasebe mövsümün sonunda karyerasını bitirmək qərarını açıqlayıb.

Komanda.az “Eintracht”-a istinadən xəbər verir ki, yaponiyalı futbolçu bu qərar haqda diqqətlə düşündüyünü bildirib:

“Mən bu qərar haqqında diqqətlə düşünmüşəm və fikirləşirəm ki, indi doğru vaxtdır”.

40 yaşlı yapon futbolçunun klub səviyyəsində 700-ə yaxın rəsmi oyunu, həmçinin, Yaponiya millisində 114 matçı var.

Hasebe 2014-cü ilin yayından “Ayntraxt”da çıxış edir. O vaxtdan bəri müdafiəçi 303 rəsmi oyun keçirib, 2 qol və 6 məhsuldar ötürmə ilə yadda qalıb.