“Napoli”nin hücumçusu sıradan çıxdı

İtaliyanın “Napoli” klubu ciddi itkiylə üzləşib.

Komanda.az xəbər verir ki, A Seriyası təmsilçisinin hücumçusu Dris Mertens zədələnib. Bu barədə klubun mətbuat xidməti məlumat yayıb. İtaliya A Seriyasının 12-ci turunun “İnter”lə görüşündə zədələnən Mertens, azı üç həftə yaşıl meydanlardan uzaq qalacaq.

“İnter” – “Napoli” matçı meydan sahiblərinin minimal hesablı qələbəsiylə başa çatıb – 1:0.