Eşli Yanq rəsmən Premyer Liqa klubunda

İngiltərənin “Aston Villa” klubu heyətini yeni futbolçu ilə gücləndirib.

Komanda.az xəbər verir ki, Premyer Liqa təmsilçisi “İnter”lə (İtaliya) müqaviləsi bitən Eşli Yanqı heyətinə qatıb. Bu barədə klubun mətbuat xidməti məlumat yayıb. 35 yaşlı yarımmüdafiəçi ilə bir illik müqavilə imzalanıb.

Yanq 2003-2007-ci illər aralığında “Uotford”da çıxış edib. İngilis futbolçu daha sonra “Aston Villa” və “Mançester Yunayted” klublarına keçib. Yanq 2020-ci ilin yanvarından “İnter”də çıxış edirdi.