Premyer Liqada yeni mövsüm sentyabrda başlaya bilər

İngiltərə Premyer Liqasında yeni mövsümün başlayacağı vaxt məlum olub.

Komanda.az xəbər verir ki, bu barədə “Daily Mail” nəşri məlumat yayıb. Xəbərdə, Premyer Liqada yeni mövsümün sentyabrın 12-13-də başlaya biləcəyi qeyd olunub.

İngiltərə Premyer Liqası rəhbərliyi cümə axşamı keçiriləcək iclasda klubların nümayəndələrinə bu barədə təkliflərini bildirəcək və məsələ müzakirə olunacaq.

Koronavirus pandemiyasına görə dayandırılan İngiltərə Premyer Liqasının iyunun 19 və ya 26-da bərpa olunması gözlənilir.