“Kazemironu “Fulhem”lə matçda görməyəcəyik” – Ten Haq

“Mançester Yunayted”in baş məşqçisi Erik ten Haq komandanın yarımmüdafiəçisi Kazemironun “Nyukasl”la oyunda (0:3) niyə əvəzləndiyini açıqlayıb.

Komanda.az klubun rəsmi saytına istinadən xəbər verir ki, o, futbolçunun zədəsinə görə əvəzləndiyini söyləyib:

“Fasilədən əvvəl zədələndi, ona görə də, onu əvəz etdik. Onun vəziyyəti ilə bağlı yekun nəticəyə gəlmək üçün bir gün gözləməliyik. Amma düşünürəm ki, onu şənbə günü “Fulhem”lə matçda görməyəcəyik”.