ÇL: “Daha yaxşısına layiq idik” – İnzaqi

“İnter”in baş məşqçisi Simone İnzaqi Çempionlar Liqasının 1/8 final mərhələsinin ilk oyununda “Atletiko” üzərində qələbədən (1:0) danışıb.

Komanda.az UEFA-nın rəsmi saytına istinadən xəbər verir ki, o, cavab oyununa ən yaxşı şəkildə hazırlaşacaqlarını söyləyib:

“Oyunumuz çox yaxşı keçdi, çünki fizika və texnologiyanı birləşdirən komanda ilə qarşılaşdıq. Bu heç də asan deyildi. Daha yaxşısına layiq idik. İndi bizi Madriddə daha bir çətin oyun gözləyir. Amma birincini qazandıqdan sonra qarşıdurmanın ikinci yarısına ən yaxşı şəkildə hazırlaşacağıq.

Bu altı ayda çox yaxşı çıxış etdik, lakin ən vacib aylar mart və aprel aylarıdır. Uşaqlar eyni ruhda davam etməlidirlər. Onların necə məşq etdiklərini görmək xoşuma gəlir. Amma bilirik ki, çətinliklər gələcək: gərgin matçlar, yorğunluq. Bəzi futbolçular zədələnəcək. Ancaq biz indi etdiyimiz kimi işləməyə davam etməliyik”.

Komandalar arasında cavab oyunu martın 13-də keçiriləcək.