“Bütün rəqiblərə qalib gələ bilərik” – Murad Musayev

“Sabah”ın baş məşqçisi Murad Musayev Azərbaycan Premyer Liqasının 19-cu turu çərçivəsində “Neftçi”yə qarşı keçirdikləri oyunu (2:0) şərh edib.

Komanda.az xəbər verir ki, o, matçdan sonra keçirilən mətbuat konfransında bunları deyib:

“Qələbə qazandığımız üçün şadıq. Ən çox da oyunun məzmununa görə sevincliyik. 90 dəqiqə boyunca cəsur və aqressiv futbol sərgilədik.

Biz bütün rəqiblərə qalib gələ bilərik. Ötən mövsüm buraxdığımız səhvlər ucbatından çoxlu xal itkiləri ilə üzləşmişdik.

İstərdik ki, bir transfer edək. O, komandadakı oyunçulardan da yaxşı olmalıdır. Hazırda çox transferə ehtiyac duymuruq. Oyunçular bizi çox yaxşı başa düşürlər.

Heç vaxt fikirləşmirik ki, udacağıq, yoxsa udmayacağıq. Məni daha çox keyfiyyət narahat edir. Pressinq, sürətli keçidlər vasitəsilə daha çox uğur əldə etmək olar.

Antalyada olan təlim-məşq toplanışı zamanı vaxtımız az oldu. Ümumən intizamlı iş gördük. Amma müəyyən məqamları qaydasına salmaq üçün vaxtımız çox çatmadı. Bu, hələ ilk oyundur. Sakit olmaq lazımdır. Əlbəttə, bu, psixologiyadan da asılıdır. İkinci hissədə rəqibin qol fürsəti ilə bərabər, bizim də qol vurmaq üçün imkanlarımız oldu”.

Rövşən Əlisoy

Bizi Telegramda izləyin

Bizi Facebook-da izləyin

Əlaqəli yazılar

Back to top button